Жалал-Абад шаарынын 137 жылдыгына карата айлананы тазалоо эстафетасы башталды

Жалал-Абадда шаардын 137 жылдыгына карата тазалык үчүн демилгеленген эстафета өз ишин баштады. Бул тууралуу 22-октябрда мэриянын басма сөз кызматы билдирди.

"Шаардагы жаштар коомунун жана КРнын Эмгек, миграция жана жаштар министрлигинин облустук башкармалыгынын уюштуруусу менен иш-чарага окуу жайлардын студенттери катышат.

Алар тазалоо ишин шаардын борбордук көчөлөрүнүн биринен башташып, эстафетасын облустук телеканалга өткөрүп беришет" деп айтылат маалыматта.

Маалыматка караганда, мындай иш-чара бир жумада бир жолу болуп, улам кийинки ишканага өткөрүлүп берилет. Керектелүүчү шаймандар мэрия тараптан берилгенин жаштар коомунун жетекчиси Абдыманап Дыйканов айтты.

Автор: Айпери Ганыжан кызы