Жети-Өгүз районунда быйылкы жылдын салыктары 100,8 пайызга аткарылды

Жети-Өгүз району боюнча жыл башынан бери бюджеттин киреше бөлүгүн аткарууда план 238 935,3 миң сом болсо, 240 940,3 миң сом чогултуп, план-тапшырма 100,8 пайызга аткарылды. Бул тууралуу бүгүн, 22-октябрда өкмөттүн облустагы өкүлчүлүгүнүн басма сөз кызматынан билдиришти.

Салык өткөн жылдын ушул мезгилине салыштырмалуу 36 936,6 миң сомго көп чогултулду. Республикалык салыктар боюнча план-тапшырма 100,6 пайызга, жергиликтүү салыктар 101,1 пайызга аткарылган.

2014-жылдын 9 айында айыл чарба продукциялары боюнча 8467 тонна эт, 40 190 тонна сүт, 508 тонна жүн, 2102,0 миң даана жумуртка өндүрүлгөн. Былтыркы жылдын 9 айына салыштырмалуу азыктын бардык түрлөрүнөн өсүш камсыздалды. Учурда район боюнча 253 гектар жер айдалып, 186 гектар аянтка күздүк буудайды себүү иштери жүрүүдө.

Автор: Мальвина Уметбекова