Акыркы сутка ичинде республика аймагында 5 өрт кырсыгы катталып, Кара-Суу районунда турак үй күйүп кетти

Акыркы сутка ичинде өлкө аймагында 5 өрт кырсыгы катталып, аларды өчүрүүгө 6 өрт өчүрүү бөлүмү тартылды. Бул тууралуу бүгүн, 29-октябрда Өзгөчө кырдаалдар министрлигинин басма сөз кызматынан билдиришти.

Маалыматка караганда, Чүй облусунда 2, Нарын облусунда 1, Талас облусунда 1, Ош облусунда 1 өрт кырсыгы катталган.

Кара-Суу районуна караштуу Мады айыл өкмөтүндө жыгач устундуу, шифер жабылган 80 чарчы метр турак үйдүн чатыры, 107 чарчы метр жыгач полу, 18 чарчы метр пластик шыбы, 4 терезе, 6 эшик, үй ээлеринин документтери күйүп кеткен. Ошондой эле үйдүн жанында турган Крайслер үлгүсүндөгү автоунаанын арткы айнеги да күйгөн.

Өрттүн келип чыгуусуна электр жабдууларын куроодо эреженин бузулушу себеп болгон.

Автор: Мальвина Уметбекова