Мыйзамсыз лицензия берген саламаттыкты сактоо министринин орун басары Кубанычбек Чойбековго 500 миң сом айып пул салынды

Бишкек шаардык соту 7-октябрда кызматтык абалынан кыянаттык менен пайдалануу жана лицензиялык-уруксат иштерин мыйзамсыз жүргүзгөндүгү үчүн айыпталган саламаттыкты сактоо министринин орун басары Кубанычбек Чойбековго 500 миң сом айып пул салды. Бул тууралуу бүгүн, 29-октябрда Бишкек шаардык прокуратура бөлүмүнүн башчысы Акылбек Бакачиев билдирди.

Маалым болгондой, 2013-жылы 12-июлда саламаттыкты сактоо министринин орун басары К.Чойбеков К.Л. аттуу жаранга медициналык кызмат көрсөтүүгө уруксат берген лицензияны мыйзамсыз берген. Натыйжада эч кандай тиешелүү документтери жок К.Л. аттуу жаран амбулатордук шартта УДИ-диагностикасын 2 жыл жүргүзүүгө уруксат алган. Берилген мыйзамсыз лицензиянын ээси К.Л. борбордогу кичи райондордун бириндеги бейтапканада акы төлөөчү негизде УДИ-диагностикасын жүргүзүү менен алектенип баштаган.

“Ага ылайык, Башкы прокуратура КРнын Кылмыш-жаза кодексинин 304-беренеси (кызматтык абалынан кыянаттык менен пайдалануу) жана 307-беренеси (лицензиялык-уруксат документин мыйзамсыз берүү) менен кылмыш ишин козгогон”,- дейт А.Бакачиев.

Маалым болгондой, 2014-жылдын 18-февралында К.Чойбеков Бишкек ШИИББинин убактылуу кармоочу жайына камакка алынган. 20-февраль күнү ага карата КРнын Кылмыш-жаза кодексинин 307-беренесинин 2-бөлүмү боюнча айыпталып, ошол эле күнү Бишкек шаарынын Биринчи Май райондук соту тарабынан аны УКМКнын убактылуу кармоочу жайына кармоо чечими кабыл алынган. Ал эми 6-мартта шаардык сот К.Чойбековдун баш коргоо чарасын үй камагына өзгөрткөн.

Аталган ишти караган Биринчи Май райондук сотунун судьясы Кымбат Архарова Кылмыш-жаза кодексинин 307-беренеси боюнча тагылган айыпты андан жеңил 216-беренеге (шалаакылык) алмаштырган.

А.Бакачиев билдиргендей, биринчи инстанциядагы соттун чечими боюнча Бишкек шаардык сотуна кайрадан арыз жөнөтүп, соттук коллегия чечимди кайрадан өзгөртүп, К.Чойбековду КРнын Кылмыш-жаза кодексинин 307-беренеси менен күнөөлүү деп тапкан. Анын чечими менен К.Чойбековго 5 миң эсептик көрсөткүчтө 500 миң сом айып пул салынган.

Ал эми экинчи инстанциядагы соттун чечими боюнча КРнын Жогорку Сотуна арыз берилери да белгилүү болду.

Автор: Мальвина Уметбекова
Фото: Интернеттен алынды

19:01 29-10-2014

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (3)

myrza80

2014-10-29 19:25:36

Ошентип олтуруп 2-3-4 инстанция деп суудан кургак чыгарышат биздин соттор,каны рак 3-4 кундо олот дешкен Батукаев дагы эле олалбай байкуш жыргап орусияда камакта жатат.

rasul-kg

2014-10-29 19:59:50

Биздин сот эчкан адилнтуу иштебет сотткода пара бергенда

mr.bektur

2014-10-29 23:35:15

Korrupsiya menen kurowobuz deysiner. uwuga okwogon korunuktuu adamdardy turmogo oturguzup owol jakta 4iritsener, owondoy doljnostto oturgandar para algandan korkup kalaar bele....

Комментарий калтыруу үчүн өз ысымыңыз менен кириңиз же каттоодон өтүңүз.