Венгрияда 10 миңден ашуун тургун интернетке салык салууга каршы митингге чыгышты

Венгрияда интернетке салык салууга каршы нааразылык акциясы өтүп, ага 10 миңден ашуун адам катышты. Бул тууралуу бүгүн, 30-октябрда европалык басылмалар жазып чыгышты.

Маалыматтарга ылайык, венгр эли буга чейин 4 күн мурун, 26-октябрда да ири нааразылык акциясына чыгышкан. “Буга интернет-трафиктин ар бир гигабайты үчүн 150 форинт (болжол менен 30-35 сом) салык төлөө боюнча өкмөттүн мыйзам долбоору себеп болгон. Мындан кийин өкмөт өз мыйзам долбооруна өзгөртүү жана толуктоолорду киргизүү боюнча талкууларды жүргүзүп, жарандар үчүн гигабайттын салыгын 700 форинт (165-170 сом), ал эми юридикалык уюмдардын салыгын 5 миң форинтке чейин көтөрүү сунушталган”,- деп жазышат басылмалар.

Айта кетсек, 18-ноябрда Венгриянын парламенти аталган мыйзам долбоору боюнча добуш беришет.

Автор: Нургазы Аматов
Фото: Интернеттен алынган