Эртең Бишкектин жана Чүйдүн айрым аймактарында электр жарыгы өчүрүлөт

Эртең, 31-октябрда аба чубалгылары менен бир катар көмөк чордондорундагы оңдоо иштерине байланыштуу Бишкектин жана Чүйдүн айрым аймактарында электр жарыгы өчүрүлөт. Бул тууралуу "Түндүк электр" АККнын басма сөз кызматы билдирди.

Маалыматка ылайык, саат 09:00дөн 17:00гө чейин Бишкек шаарынын Көк-Жар, Дордой,

Дордой-2, Келечек конуштарында трансформаторлорду оңдоо иштерине байланыштуу жана Маяковский, Тоголок Молдо, Щербаков, Логвиненко көчөлөрүнө “акылдуу” эсептегичтердин орнотулушуна байланыштуу электр жарыгы үзгүлтүккө учурайт.

Чүй облусунун Аламүдүн районуна караштуу Мраморное, Озёрное, Лесхоз, Рассвет, Таш-Мойнок, Кой-Таш (аскер бөлүгүндө), Воронцовка (Школьная, Октябрьская, Средняя, Больничная, Киргизская көчөлөрүндө), Байтик, Кара-Жыгач (Фрунзе, Садовая, Пушкин, Кондучалова көчөлөрүндө) айылдарында жана Теңдик конушунда, Жайыл районуна караштуу Кара-Балта (Луговая, Труд, 8-Марта, Садовая көчөлөрүндө) шаарында, Сокулук районуна караштуу Шопоков (Западная, Заводская, Геологическая, Топографическая, Геофизическая көчөлөрүндө) жана Романовка айылынын батыш тарабында, Шалта айылында электр чубалгыларын оңдоо иштерине байланыштуу электр жарыгы үзгүлтүккө учурашы ыктымал.