Жамал Сейдакматова бөбөктөргө Пушкиндин "Алтын балык" аттуу чыгармасын окуп берет

2-ноябрда Бишкекте КРнын Эл артисти Жамал Сейдакматова "Балдарга китеп окуган жылдыздар" аталышындагы долбоордун негизинде улуу орус жазуучусу Александр Пушкиндин "Алтын балык" аттуу чыгармасын окуп берет. Бул тууралуу "Роза Отунбаеванын демилгеси" фондунан билдиришти.

Айта кетсек, аталган долбоордун алкагында театр, кино, эстрада, саясат айдыңындагы атактуу инсандар өзүлөрү бала кезинде жакшы көргөн чыгармаларын бөбөктөргө окуп беришет. Бул жолугушуу балдарга жана ата-энелерге өлкөдөгү белгилүү адамдар менен таанышууга, китеп тууралуу сүйлөшүүгө жана китеп сүйгөн досторду табууга мүмкүнчүлүк түзөт.

Автор: Динара Абдыкадырова