“Кавказ туткуну же Шуриктин жаңы окуялары” тасмасындагы Нинанын ролун жараткан Наталья Варлей: "Ысык-Көлдүн керемети кайгымды унуттурган"

Мар Байжиевдин "Нөшөр" тасмасы.

Орусиянын Эмгек сиңирген артисти Наталья Варлей.

Орусиянын Эл артисти Аристарх Ливанов.

Бүгүн, 1-ноябрда Бишкектеги Ч.Айтматов атындагы Орус драма театрында Орусиянын Эл артисти Аристарх Ливанов жана Орусиянын Эмгек сиңирген артисти Наталья Варлей “Души прекрасные порывы” аталышындагы адабий-музыкалык кечесин тартуулашты. Алгач сахнага Аристарх Ливанов чыгып гитарада кол ойнотуп, өзү жазган чыгармаларын аткарды. Аристарх Ливанов бир саат бою чыгармачылыгынын чыйыр жолун, көрүнүктүү тасмаларындагы образдарын, театрга кантип келгенин баяндап берген соң сахнадан узады. Аңгыча экранда көпчүлүктүн сүйүктүү актрисасы Наталья Варлей тартылган тасмалардын үзүндүлөрү көрсөтүлө баштады. "Кавказ туткуну же Шуриктин жаңы окуялары" тасмасы экранда көрсөтүлгөндө көрүүчүлөрдүн кол чабуусу алдында сахнага чыккан Наталья Варлей: "Мен образ жараткан бир канча фильм көрсөтүлсө да, "Кавказ туткуну же Шуриктин жаңы окуялары" тасмасы экранга чыкканда кол чаптыңар. Бул менин чыгармачылыгымда жараткан керемет ролдордун бири. Ушундай популярдуулукту алып келген тасмага андан кийин тартылган жокмун, эми тартылбай калдым го",- деп өзүнүн кечесин улантты.

Наталья Варлей ырдап, бала чагы, кинодогу образдары тууралуу кеп салды. "Мен Кыргызстанга биринчи жолу келген жокмун. Бир канча жыл мурун Ысык-Көлдө драматург Мар Байжиевдин "Нөшөр" ("Ливень") аттуу тасмасына тартылгам. Мен ошол кезде театрдан кетип, жан дүйнөм жанчылып турган кез эле. Ысык-Көлдүн кереметин көргөндө менин ошол кайгым унутулган. Ошондой эле 3 жыл мурун орусиялык актёрлор менен келип спектакль коюп кеткенбиз",- деди.

Бул жагымдуу кечени актриса "Кавказ туткуну же Шуриктин жаңы окуялары" тасмасында ырдаган "Аюулар жөнүндө ыр" ("Песня про медведей") аттуу ырын аткарып жыйынтыктады. Көрүүчүлөр ат арытып келишкен артисттерди туруп алып кол чаап узатышты.

Айта кетсек, Наталья Варлей менен Аристарх Ливановдун чыгармачыл дуэти Орусиянын жана чет өлкөлөрдүн сахналарын кыдырып, өнөрлөрүн ийгиликтүү көрсөтүп келет. Наталья Варлей учурда 67 жашта. Ал 1966-жылы “Кавказ туткуну же Шуриктин жаңы окуялары” тасмасында Нинанын ролун жараткан кезде 19 жашта эле. Ал эми Аристарх Ливанов - белгилүү театр жана кино актёру. 1969-жылы аткёрдун кинодогу тушоосу кесилип, "Кири жок көңүлдөр" ("Эти невинные забавы") аттуу тасмага тартылган.

Автор: Динара Абдыкадырова
Фото: Динара Абдыкадырова

23:55 01-11-2014

Жазылуу

РУБРИКАДАГЫ СОҢКУ КАБАРЛАР

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 216 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 550 0

15:05 2025-05-10 | Коом жана турмуш

Ошто жеке тараптан мамлекетке кайтарылган имартка мектеп курулат (видео) 291 0

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 418 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 724 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 987 0

Архив

Комментарийлер (2)

wizard

2014-11-02 21:49:05

Тс кошулгула деп келиптирда, билем силердин кара ойунарды! !"черныйларды"того тпойт эленер бараны деп.

Sharipa-asia

2014-11-03 23:37:01

Ошол маалда 19 жашта болсо азыр 67жашта экен да сулуу айым, биздин андай апаларыбыз каарып-ооруп дегендей журушот, а бул Нина болсо жаш бойдон , бир чети орусча жашоо да жакшы, энелерибиздей туйшук жок ошон учун каарыбай жер кыдырып журот да

Комментарий калтыруу үчүн өз ысымыңыз менен кириңиз же каттоодон өтүңүз.