Президент Алмазбек Атамбаев Өзбекстандын президенти Ислам Каримовду 75 жаш мааракеси менен куттуктады

Бүгүн, 30-январда президент Алмазбек Атамбаев Өзбекстандын президенти Ислам Каримовго 75 жаш мааракесине байланыштуу куттуктоо жөнөттү.

Куттуктоонун мазмуну төмөндөгүдөй:

“Сиздин жетекчилигиңиз менен Өзбекстан көз карандысыздык жылдар ичинде социалдык-экономикалык кайра түзүүлөрдө, республиканын көп улуттуу элин бириктирүүдө жана эл аралык кадыр-баркын чыңдоодо кыйла ийгиликтерге жетти. Сиздин мамлекеттик ишмердүүлүктөгү эң бай тажрыйбаңыз биздин мамлекеттер ортосундагы жакшы коңшулук жана достук мамилелердин чыңдалышына өбөлгө түзөт деп ишенем”.

Автор: Дастан Жаналиев