Баткен. Айдаркенде 10 ай аралыгында укук коргоо органдары тарабынан 12 кылмыш иши козголду

Бүгүн, 5-ноябрда Кадамжай районунун Бирлик айыл өкмөтүндө жергиликтүү милиция кызматкерлери 2014-жылдын 10 айында аткарган иштери боюнча отчёт беришти.

Айдаркен шаарынын милиция бөлүмүнүн башчысы Бегали Ахметовдун айтымында, шаарда быйыл январь-октябрь айларында тургундардан 80 арыз түшкөн. Анын ичинен 2 маңзатка байланыштуу, 6 уурулук, 2 алдамчылык, 2 бейбаштык кылмыштары аныкталып, 12 кылмыш иши козголгон.

Мындан сырткары жыйында бул жылы 2 жолу жол тосуу болуп, анда 60 миң жашоочусу бар Сох районунун жашоочуларынын Айдаркен-Сох жолунан каттоосунда тоскоолдуктар жаралганы айтылды.

Автор: Айпери Ганыжан кызы
Фото: Максат Гапаров