Баткен. Көк-Таш айылында мектеп менен дүкөндү ташбараңга алган тажик жарандарынын окуясы такталууда

28-январда Тажикстандын Согди облусунун 50дөй тургуну Баткен облусундагы Көк-Таш айылына келишип, "Байэл" дүкөнүндө тажик жаранын токмоктогон кыргыз балдарын таап берүүнү талап кылышып, аталган дүкөндүн терезелерин талкалап салышкан. Ошондой эле аталган айылдагы Шайдулла Ганы атындагы мектептин терезелери да талкаланган. Бүгүнкү күндө Баткен РИИБи бул окуя боюнча териштирүү иштерин жүргүзүп жатканын аталган органдын маалымат-катчысы Дамира Юсупова маалымдады.

Автор: Бегайым Тажибай кызы