ЖКда жарандарды митингге катышууга мажбурлаган аткаминерлерди 3 жылга чейин эркинен ажыратуу сунушталууда

Өлкөдө жарандарды митингдерге катышууга мажбурлаган аткаминерлер 3 жылга чейин эркинен ажыратылышы мүмкүн. Бул тууралуу бүгүн, 30-январда Адилет министри Алмамбет Шыкмаматов билдирди. Ал сунуштаган мыйзам долбооруна ылайык, тынчтык митингине каршы болгон, же тескерисинче, жарандарды митингге катышууга же митинг өткөрүүгө мажбурлаган аткаминерлерге айып пул салынат. "Кызмат абалынан кыянаттык менен пайдалануу фактысы далилдене турган болсо, мамлекеттик кызматкер кылмыш жообуна тартылып, үч жылга чейин эркинен ажыратылышы мүмкүн»,- деп кошумчалады министр.

Автор: Гүлмайрам Сабырбекова