Бишкекте "80 жаштагы пенсионерди зордуктап, өлтүргөн" деген шек менен селсаяк кармалды

Бишкектин Тынчтык кең көчөсүндө жайгашкан турак үйлөрдүн биринде 31-октябрь күнү 80 жаштагы үй ээсинин жансыз денеси табылган. Анын зордукталганы да айтылган болчу. Аталган кылмышка шектелип 1985-жылы туулган К.А. аттуу селсаяк кармалды. Бул тууралуу бүгүн, 11-ноябрда SUPER.KG порталына Бишкек ШИИББинин басма сөз катчысы Олжобай Казабаев билдирди.

“Иликтөө иштеринин натыйжасында 5-ноябрда шектүү катары ошол аймакта жүргөн туруктуу жашоочу жайы жок, мурда 164-берене боюнча соттолгон Жалал-Абад облусунун К.А. аттуу тургуну кармалган. Ал сурак учурунда өз күнөөсүн мойнуна алып, окуя кандай болгонун айтып берген. Анын айтымына караганда, ал түнкү саат 12лер чамасында аталган аймакта темир чогултуп жүргөн. Үйлөрдү кыдырып жүрүп, алардын биринин эшиги ачык экенин байкаган. Анын ичине кирип суу ичип, үйдүн ичин караштыра баштаган. Экинчи бөлмөгө киргенде төшөктө жаткан кемпирди көрүп, жанына жатып аны менен жыныстык катнашка барган. Ал кемпир кыйкырып, жардамга чакыра баштаганда А.К. аны башка чапкылап, муунтуп өлтүргөн”,- дейт О.Казабаев.

Маалым болгондой, шектүү пенсионерди өлтүрүп алган соң окуя болгон жерден изин суутуп кеткен. Учурда бул иш боюнча 97-берене (киши өлтүрүү) боюнча кылмыш иши козголуп, тергөө амалдары улантылууда.

Тергөө учурунда шектүү жарандын берген көрсөтмөсүнөн:

"Мас абалымда ал кемпирдин үйүнө киргем. Мен ал үйдүн дарбазасы кантип ачыларын билчүмүн. Себеби кемпир мага нан берип жүрчү. Алгач аны көчөдөн көргөм, ал мени “жүрү, сага нан берем” деп ээрчитип келген. Андан кийин 3-4 жолу нан берген. Ал түнү мен короого темир алайын деген ниет менен киргем. Мен киргенде ит да үргөн жок, себеби ал мени таанып калган. Темир издеп жүрүп, анын үйүнүн эшиги ачык экенин көрдүм. Өзүм ачка болчумун, ошол үчүн үйгө нан издеп киргем. Бөлмөгө киргенде ал кемпир диванда жаткан. Мен жанына барып аны чечинткем, ал мага каршылык көрсөткөн жок. Андан кийин ал артымдан кыйкырып чыкпасын деп мойнунан катуу басып салдым. Андан соң бөлмөдөн чыгып, экинчи бөлмөгө кирсем, ал жакта кемпирдин кызы жана анын баласы бар экен. Ал мени көрүп бакырып баштады. Мен ал жерден кетип, дарбазадан тырмышып чыга качтым",- дейт шектүү катары кармалган К.А.

Анын айтымына караганда, окуядан кийин ал оорукананын жер төлөсүндөгү уктоочу жайына келген. Ал жакта ичип, 2 күн турбай жаткан. Андан кийин ал достору аркылуу милиция издеп жүргөнүн уккан. Качып кетүүгө аракет кылган, бирок жол киреге акчасы жок болгондуктан, кете алган эмес.

Бишкекте "80 жаштагы пенсионерди зордуктап, өлтүргөн" деген шек менен селсаяк кармалды

Автор: Мальвина Уметбекова
Фото: Мальвина Уметбекова

14:13 11-11-2014

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (13)

beibika92

2014-11-11 14:32:31

Адам сымал айбан

myrza80

2014-11-11 14:42:02

Биринчи кудай сактасын андайдан,ушул зордуктоо боюнча бизде элдин алдында элдик сот уюштуруу керек антпейин наристелерди да кары картандарды да ал аз келгенсипэркек балдарды да зордуктап жатышат,биздин президенттер ойлонобу АЛЛАХтын алдында жооп бериштен.

yzyldabagyla

2014-11-11 15:01:30

ХХХ бул адам емес айбан дагы емес ага окшогонду ХХХ ХХХ ХХХ

admin_portal

2014-11-11 15:09:49

yzyldabagyla,
Коомдук этиканы сактап, провокация жарата турган билдирүүлөрдү жазуудан алыс болуңуз.

Ganibal87

2014-11-11 15:43:24

Ото кайгулуу болуптур башы жоктугу учун сел саякта бирок терен териштириш керек селсаякты мойнуна алдырып бетин жабыщ учун да ар демкеге барып атпайбы куноолуулор гана,тартсын жазаасын

kalpakkg

2014-11-11 16:14:40

Ganibal87, туура айтасың болушу мүмкүн

emin

2014-11-11 20:35:20

Кудай сактасын мындай айбандардан,акыркы кезде селсаяктарга эле куноону койуп жатышат.Баарын акча эле чечип калдыго.

emin

2014-11-11 20:45:58

Адам олтургондордун баары эле мурда да 2-3 жолу соттолгон дешет,бир жолу кылмыш кылганда эле катуу жазалаш керек деп ойлойм.

Kuali

2014-11-11 21:42:38

озунун чон энеси менен тен кемпирди кантип колу барды!

nasi81

2014-11-11 22:47:47

Бетин куйгур айбан.

MirlankMedina

2014-11-12 02:52:39

ммммм дейтго тергоочу суроолорду да так бере албай мындайларды каттуу жазалаш керек

Ханбийке

2014-11-12 03:01:36

Боор ооруса боорго тепкен го, кемпирдин тузу ураар.

KURSHAB

2014-11-12 11:19:00

ал мага каршылык көрсөткөн жок дейт, 80 жаштагы кемпир кантип каршылык корсотмок эле келесоо. турмодо эми бул баланы 80 жаштагы чалдар эзет.

Комментарий калтыруу үчүн өз ысымыңыз менен кириңиз же каттоодон өтүңүз.