Ош шаарындагы ресторандардын биринен өрт чыгып, 500 чарчы метр чатыры күйүп кетти

Ош шаарындагы “Кеңеш” ресторанында кечээ, 11-ноябрда саат 14:37 чамасында өрт кырсыгы катталды. Анын кесепетинен ресторандын 500 чарчы метр чатыры жана курулуш материалдары күйүп кетти.

ӨКМнын басма сөз кызматы бүгүн, 12-ноябрда билдиргендей, А.Шакиров көчөсүндө жайгашкан ресторандын темир менен жабылган 500 чарчы метр чатыры күйгөн. Өрттү өчүрүүгө аскерлештирилген өрт-куткаруу бөлүмдөрүнөн 5 бөлүм тартылып, ал толугу менен саат 17:04тө өчүрүлгөн. Учурда өрттүн келип чыгуу себеби такталууда.

Автор: Мальвина Уметбекова
Фото: ӨКМдан алынды