Ош мамлекеттик университетинде окумуштуу Бурул Каримованын 75 жылдык мааракесине карата конференция уюштурулду

Ош мамлекеттик университетинде кечээ, 12-ноябрда окумуштуу Бурул Каримованын 75 жылдык мааракесине карата конференция уюштурулду. Бул тууралуу аталган окуу жайдын басма сөз кызматы кабарлады.

Маалыматка ылайык, Бурул Каримова биология илимдеринин доктору, КРнын Билим берүүсүнө эмгек сиңирген ишмери, Улуттук илимдер академиясынын мүчө-корреспонденти, Даңк медалынын, “Кыргыз тили” төш белгисинин ээси катары белгилүү. Анын 75 жылдык мааракесине ЖКнын депутаты Бөдөш Мамырова, Кыргызстан элдеринин ассамблеясынын төрагасы Б.Мурзубраимов, КРнын Өкмөтүнүн Ош облусундагы ыйгарым укуктуу өкүлчүлүгүнүн, Ош шаардык мэриясынын, Кыргыз Республикасынын, Казак Республикасынын Улуттук илимдер академиясынын өкүлдөрү, Ош, Жалал-Абад, Баткен облустарында жайгашкан жогорку жана кесиптик окуу жайлардын ректорлору, окутуучулары, Бурул Каримованын шакирттери, кесиптештери, окумуштуулар, студенттер катышышты.

ОшМУ менен жашташ, тагдырлаш болуп 75 жылдык мааракесин белгилеп жаткан илимпоз Бурул Каримова ОшМУда билим алып, ушул жерде эмгектенген. Окумуштуунун өмүр жолу, тажрыйбасы, коомдук, жетекчилик ишмердүүлүктөрү улуулар үчүн да, кичүүлөр үчүн да үлгү экендигине токтолгон ОшМУнун ректору Каныбек Исаков Бурул Каримовага “ОшМУга эмгек сиңирген ишмер” наамы университеттин 75 жылдык мааракесинде тапшырылгандыгын айтып, окуу жайдын жамаатынын атынан 25 миң сом акчалай сыйлык тапшырды. Ошондой эле Бурул Каримовага куттуктоо сөздөрү айтылып, КРнын Жогорку Кеңешинин Ардак грамотасы, Ош облустук ооганчылар коомунун энелерге арналган медалы, Алай районунун элинин атынан “Алай районунун ардактуу атуулу” наамы ыйгарылды.

Белгилей кетсек, Бурул Каримова Кыргыз Республикасында биология багытында аялдардан биринчи болуп докторлук даражага ээ болгон. Бүгүнкү күндө 170тен ашуун макаласы,7 монографиясы, 5 окуу-методикалык китеби жарыяланып, билим берүү тармагында кеңири пайдаланылып келет. Анын “Даткалар жашаган табият”, “Өмүр жолундагы издер” деген өңдүү бир топ автобиографиялык жана публицистикалык китептери жарык көргөн.

Автор: Максат Кудайбердиев
Фото: Окуу жайдын маалымат кызматы

11:26 13-11-2014

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (1)

Lexus-2014

2014-11-14 18:24:46

i Byryl Karimovna ejekebiz aman bolynyz yzaak jawanyz sizdey ejekeden bilim alganybyzga kybanabyz bakybat jawoodo jyrynyz kyt bolsyn algan belekteriniz.

Комментарий калтыруу үчүн өз ысымыңыз менен кириңиз же каттоодон өтүңүз.