Бишкекте баңгизатты мыйзамсыз алып жүргөн 18 жаштагы жигит кармалды

Борбордо Свердлов районунун баңгизаттарды мыйзамсыз жүргүзүүгө каршы күрөшүү боюнча бөлүмүнүн кызматкерлери тарабынан баңгизат алып жүргөн жаран кармалды.

Бишкек ШИИББинин басма сөз кызматы бүгүн, 18-ноябрда билдиргендей, баңгизатты алып жүргөн жаран Осмонкул-Жибек Жолу көчөлөрүнүн кесилишинен текшерүүгө токтотулган. Текшерүүнүн жүрүшүндө анын чөнтөгүнөн 7,3 граммдай гашиш табылган.

Иликтөө иштеринин натыйжасында кармалган жарандын аты С.Эрбол, ал 18 жашта экендиги аныкталган. Учурда ага карата 246-берене (мыйзамсыз баңгизатты сактоо) боюнча кылмыш иши козголуп, тергөө жүрүүдө.

Автор: Мальвина Уметбекова