Кыргызстандын атынан катышып жаткан "Non-Stop" дуэти "Turkvizyon" Эл аралык сынагынын финалына өттү

Казань шаарында 19-ноябрдан 20-ноябрга караган түнү "Turkvizyon-2014" Эл аралык музыкалык сынагынын жарым финалы орун алды. 25 катышуучу ат салышып жаткан сынактын финалдык бөлүгү 21-ноябрда өтөт. Татарстан Республикасынын Казань шаарындагы "Татнефть-Арена" сахнасында ырчылардын чыгармачылыгына 9300дөн ашуун көрүүчү күбө болду.

Кыргызстандын атынан барган "Non-Stop" дуэти №13-саны менен чыгып, "Сезе бил" аттуу чыгарманы тартуулашты. Аларды колдоп "Wi`ll be" бий тобунун жигиттери бийлеп турушту.

«Евровидениеден» айырмаланып, сынакта жеңүүчү көрүүчүлөрдүн добушу менен эмес, калыстар тобунун чечими менен аныкталат. Белгилей кетсек, калыстардын катарында КРнын Эл артисти Гүлнур Сатылганова да бар. Жарым финалдын жыйынтыгы менен 12 катышуучу финалга жолдомо алды.

1. Татарстан - 223 упай

2. Түркия - 199 упай

3. Казакстан - 198 упай

4. Башкортостан - 193 упай

5. Орусия - 190 упай

6. Кыргызстан - 190 упай

7. Македония - 181 упай

8. Иран - 178 упай

9. Крым - 178 упай

10. Өзбекстан - 172 упай

11. Босния жана Герцеговина - 171 упай

12. Түркмөнстан - 169 упай

13. Болгария - 168 упай

14. Якутия - 168 упай

15. Азербайжан - 168 упай

16. Молдова - 162 упай

17. Румыния - 158 упай

18. Ирак - 155 упай

19. Тува - 154 упай

20. Албания - 154 упай

21. Албания - 149 упай

22. Украина - 148 упай

23. Хакасия - 148 упай

24. Кабардино-Балкария - 147 упай

25. Грузия - 141 упай

Мыктылардын мыктысы аталып, биринчи орунду багынткан ырчы 720 миң рубль өлчөмүндөгү акчалай сыйлык жана "Turkish Music Box", "Твой мир - Восток" телеканалдары менен келишим түзүү мүмкүнчүлүгүнө ээ болот.

Автор: Айпери Ганыжан кызы