"Turkvizyon" Эл аралык сынагында казакстандык Жанар Дугалова жеңүүчү аталды

Казань шаарында 21-ноябрдан 22-ноябрга караган түнү "Turkvizyon-2014" Эл аралык музыкалык сынагынын финалы өттү. Анда буга чейин айтылган 12 эмес, 15 катышуучу жеңиш үчүн ат салышты.

Татарстан Республикасынын Казань шаарындагы "Татнефть-Арена" сахнасында ырчылардын чыгармачылыгын 24 мамлекеттен келген калыстар тобу сындан өткөрүштү.

Катышуучулар сахнага чыгар алдында китепке болгон сүйүүсү тууралуу видеотүрмөктү көрсөтүп жатышты. Айрымдары сүрөт альбомун көрсөтүшсө, кээ бири обон жаратуучу дептерин, ашкана сырлары тууралуу китептер жөнүндө айтып жатышты.

Кыргызстандын атынан катышып жаткан "Non-Stop" дуэти "Манас" эпосу тууралуу айтып, анын "Гиннесстин рекорддор китебине" киргендигин баса белгилешти. Албетте, түрк тилдүү өлкөлөрдүн өкүлдөрү, дээрлик бардык катышуучулар өз тилинде сүйлөп, мекенине салам жолдогон соң гана сахнага чыгып жатышты. "Non-Stop" дуэти алып баруучуга кыргыздын улуттук баш кийимин белекке бергени сүйүндүргөнү менен, орус тилинде сүйлөшкөнү өкүнүчтүү көрүнүш болду.

Финалдын жыйынтыгында 15 катышуучунун ичинен Казакстандын намысын коргогон ырчы Жанар Дугалова 1-орунду ээлесе, кыргызстандык "Non-Stop" дуэти 4-орунду ээледи.

1. Казакстан - 225 упай

2. Татарстан - 201 упай

3. Башкортостан - 199 упай

4. Кыргызстан - 196 упай

5. Москва - 170 упай

"Евровидение" популярдуу ырлар сынагынын аналогу катары саналган "Turkvizyon" Эл аралык сынагында жеңүүчүнү көрүүчүлөрдүн добушу эмес, калыстар тобу берген баалар аныктайт. Ошондой эле кийинки сынак жеңген ырчынын мекенинде эмес, "Түрксой" маданият министрлеринин туруктуу кеңешинин чечиминин негизинде кайсы өлкө түрк дүйнөсүнүн маданий борбору аталса, ошол мамлекетте "Turkvizyon" Эл аралык сынагы өтөт. Бул жолу сынактын эстафетасын Түркмөнстан мамлекети өткөрүп алды. Түркмөнстандын Мары шаары "2015-жылдагы түрк дүйнөсүнүн маданий борбору" деп белгиленгендиктен, түрк тилдүү өлкөлөрдөгү популярдуу ырлар сынагы аталган шаарда өтөт.

TURKVIZYON-2014: "Non Stop" - Кыргызстан Финал (21.11.14)

Turkvision-2014: 1-орунга Казакстан чыкты!

Автор: Айпери Ганыжан кызы

01:00 22-11-2014

Жазылуу

РУБРИКАДАГЫ СОҢКУ КАБАРЛАР

18:34 2025-05-10 | Саясат

Бишкектеги мектептердин бири казак президентинин атасынын наамын алды 136 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 160 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 697 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 545 0

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 523 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 1121 0

Архив

Комментарийлер (37)

anti_anti

2014-11-22 12:07:31

Казак ырчысын кордунорбу сонун ырдады. бизге жакын болгондуктанбы жакын эле кабыл алдым. бизде эмнеге жакшы ырдаган уну бар ырчыларды колдоболй басмырлашат. колу узун продюсер менеджерлер чыйылдак ырчылар менен иштешип жакшылары колокодо кала берет.

PeRa

2014-11-22 22:10:07

anti_anti, bizde biroonun artyna kire algandar jashashat

anti_anti

2014-11-22 12:10:39

булар кыргызчаны жакшы билбегендиктен орусча суйлошту дейин десен Манас жонундо сопсонун кылып кыпкыргызча айтп берришти. кыргызча суйлосо вуащще шик (аябай жакшы) болмок да деп койдум.

jasi

2014-11-22 17:48:36

Кыргызча эле суйлошсо болмок. Алып баруучу азамат, жайлаптир го )

-1

tynara81

2014-11-22 19:21:27

"Non-stop" барат десе көпчүлүк ,"уят кылат Кыргызстанды " дегендей коммент калтырышкан эле. 4 орун да жаман эмес го, ошончо өлкөнүн ичинен, дагы эле нааразыбыз.

temirov76

2014-11-22 19:24:03

Азамат жакшы эле деш керек,ошончо ырчылардын ичинен 4унчу орунду алыш онойбу,мындай сынынарды 10унчу же 11инчи орундан ылдый болгондо айтсанар жарашмак

motomoto

2014-11-22 20:03:00

казашканы биринчи коргондо эле утат деп ойлодум, анткени ыры уккулуктуу, бий , форма, келбет, музыкасы баары топ келишип мыкты аткарды. А биздикилер эмнени ырдап атканын мен эмес, озулору деле тушунушкон жок. Музыкасын музыка деп айтуу кыйын, ундору кыйкырып атып чарчаган корооздукундай, Формасы, бийи гана кичине жакшы болуптур. эчкимге жашыруун эмес булардын продюссери фестивальдын кыргызстандагы ишчараларын уюштуруучуларынын бири. Просто ичин ачышат да жен ичинен чечип, татыктууларга бут т

crishti_7

2014-11-22 20:42:56

Азаматсынар non-stop дуэти. 4 орун деле жакшы

Nursss_Real_Madrid

2014-11-24 10:48:13

башка ыр ырдаса болмок ыры жаккан жок

aijanturdalieva

2014-11-24 11:39:42

Комментарийлерди окуп алып жакамды кармадым чынында... Туугандар, таланттуу дуэттин да эмгегин баалаш керек. Кыргызстан үчүн ат салышып, биздин желекти чоң Эл Аралык деңгээлдеги сынакта желбиретип жатышат. Былтыркыга салыштырмалуу быйылкы көрсөткүч өзгөрдү го. Кыргыздар чынында эле сүйүнгөндү билбейбиз.. Тескеринче чукулап, түз нерседен кыйшык издейбиз.. Ошолордун деңгээлине жетип алып анан сындасак ж

Light

2014-11-24 12:08:56

4-орун деле жакшы, бирок ушундай да ыр болобу?бир жакшыраак ыр даярдаса болмок.мага жаккан жок

bossmos7

2014-11-24 13:02:34

Light, Туура белгилепсин! Жакшы даярданып ! Кыргызча суйлосо !

Asel-91

2014-11-24 15:51:06

Нон-Стоп 4-орунду ээлесе анда Нон-Стоп сыяктуу эле ырчылар катышкан го... Эмнеси болсо да 4-орун учун кубанып койсо болот, ошого эле татыктуу болсо керек. Эмне учун ушундай учурларда мен-мен деген кубулжуган уну бар ырчылар катышпай калат тушунбойм. Мисалы, Гулзада Рыскулова, Нурзат Садыкова, Элзар Осконбаева сыяктуу...

ai_temir

2014-11-24 15:54:42

Крымдан келген кыз, якутиядан келген ырчы ошол эле татарстан женген казак кызы жакшы ырдашат экен. жакшы даярданышыптыр. негизи жюринин тандоосу болгондуктан каалагандай кое берет экен. Россияны негедир колдошкон жок турк тилинде суйлогондор гана утсун дешсе керек. айтор россиялык ырчылардын ун диапозону жакшы экени билинип турду.

ai_temir

2014-11-24 15:55:46

нон стоп бул корсоткучу менен бул уну менен евровиденияга бара алмак эмес алтургай акыркы орунда болмок же тандоодон отмок эмес.

aikow92

2014-11-24 15:59:36

4-orun jaman emes. tyrkmonstanga bugunku bawka4a aitkanda tatarstandagy synakty baamdap. analizdep 1-orundu ala turgandai jonotyy kerek

Мэри

2014-11-24 20:30:26

Негизи кыргыз баш кийимге өзгөчө маани берген, аны кыргыздан башкага тартуу кылбайт. "Нон-Стоп" деле башка эле белек кылса болмок. Башкалар кыргыздын баш кийимин баалайбы, калат да ар кай жакта.Ушуну биле жүрүшсө жакшы болмок...
А 4-орун жаман эмес, мунусу мактоого татыйт.

Комментарий калтыруу үчүн өз ысымыңыз менен кириңиз же каттоодон өтүңүз.