7 жаштан 70 жашка чейинки курактагы жарандар үчүн “Пайгамбарыбыз тууралуу окуйбуз” аттуу сынак өтүүдө

“Дил азык” басма үйү жана Кыргызстандагы Ислам университети тарабынан жарыяланган “Пайгамбарыбыз тууралуу окуйбуз” аттуу сынакка 7 жаштан 70 жашка чейинки курактагы жарандар катталышты. Бул тууралуу уюштуруучулар кабарлашты.

Маалыматка ылайык, сынак 22-ноябрда Кыргызстандын бардык аймактарында бирдей убакытта башталып, бирдей убакытта аяктады. Ош шаары боюнча сынакка катышууга 850 адам катталып, сынак Ош гуманитардык-педагогикалык институтунда өткөрүлдү. Сынак Мухаммед пайгамбардын өмүр баяны тууралуу жазылган “Сүйүктүү пайгамбарыбыз Мухаммед саллаллаху алейхи вассалламдын өмүр баяны”, “Чексиз нур” жана “Пророк Мухаммад - венец рода человеческого” китептерин окуу боюнча болууда. Эскерте кетсек, бул иш-чаранын жыйынтыгы 25-декабрь күнү чыгарылып, жеңүүчүлөргө белектер берилмекчи.

Автор: Максат Кудайбердиев