Депутат Садыр Жапаров: "Мени тинтүүгө алган учурда жанымда травматикалык тапанча бар болчу"

Бүгүн, 1-февралда "Ата Журт" партиясынын 3 депутатына карата козголгон кылмыш иши боюнча кезектеги сот иши башталды. Сот жүрүшүндө алгачкылардан болуп депутат Садыр Жапаров сурак берүүдө.

"Мени тинтүүгө алышканда жанымда травматикалык эле тапанча бар болчу. Ал эми "Сайга" куралын алып жүрүүгө менин уруксатым бар болчу. Ал аң уулоо үчүн колдонулуучу курал да. Менин өмүрүмө коркунуч болуп жаткандыгы үчүн аны ар дайым унаама салып жүрөм. Ал эми бронежилетти такай кийип жүрбөйм",- деди Жапаров.

Автор: Мээрим Жеңишбек кызы