Аба ырайы, 26-ноябрь: Нарын жана Ысык-Көл облусунун айрым жерлеринде кар жаайт

26-ноябрда түнкүсүн Нарын жана Ысык-Көл облусунун чыгыш тарабында айрым жерлерде кар жаайт, калган аймактарда жаан-чачын күтүлбөйт. Чүй, Талас, Баткен, Ош жана Жалал-Абад облустарынын айрым жерлеринде туман түшөт, күндүз жаан-чачын күтүлбөйт. Жолдор тайгак болот. Батыштан соккон шамалдын ылдамдыгы секундасына 4-9 метрден, Ысык-Көл акваториясында 17-22 метрге чейин жетет.

Эскертүү!

2014-жылдын 25-ноябрынан 28-ноябрына чейин жаап өткөн жана күтүлүп жаткан катуу жаан-чачынга байланыштуу Кыргызстандын тоолуу райондорунда, Бишкек-Ош (121-137, 198-265-чакырымдары), Мырзаке - Кара-Кулжа - Алайкуу (45-90, 145-150-чакырымдары), Ала-Бука - Каныш-Кыя (62-100-чакырымдары), Бишкек-Талас (198-210-чакырымдары, Өтмөк ашуусу), Каракол - Эңилчек (45-90-чакырымдары), унаа жолдорунда кар көчкү коркунучу сакталат жана кар күрткүсү пайда болот. Жолдор тайгак болуп, муз тоңот. Унаалардын ортосунда 500 метр аралык кыймыл чектелиши зарыл.

Чүй облусу. Күндүз -5°C, түнкүсүн -11°C

Талас облусу. Күндүз -7°C, түнкүсүн -13°C

Ош жана Жалал-Абад облустары. Күндүз -5°C, түнкүсүн +1°C

Баткен облусу. Күндүз +3°C, түнкүсүн -7°C

Ысык-Көл облусу. Күндүз -5°C, түнкүсүн -10°C

Нарын облусу. Күндүз -6°C, түнкүсүн -11°C

Бишкек шаары. Күндүз -3°C, түнкүсүн -8°C

Автор: Бекжан Рыскулов