Жалал-Абад облусунун тургундары жер титирөөдөн жабыр тарткандарга жардам көрсөтүштү

Жалал-Абад облусунун тургундары жер титирөөдөн жабыр тартышкан Ысык-Көл облусунун Тоң районунун жашоочуларына 1 миллион сомго жакын гуманитардык жардам автокербенин жөнөтүшкөн. Бул тууралуу бүгүн, 27-ноябрда жергиликтүү өкүлчүлүктүн басма сөз кызматы билдирди.

“Жалал-Абад облусу боюнча 950 миң сомдон ашуун акча каражаты жыйналып, ал каражатка Бишкек шаарынан 400 даана шифер, 20 тонна цемент жана 40 куб карагай тактай материалдары сатылып алынды. Курулуш материалдары жүктөлгөн 4 КамАЗ автокербени бүгүн Ысык-Көл облусунун Тоң районуна жетти”,- дейт өкмөттүн облустагы өкүлү Жумагүл Эгембердиева.

Автор: Мальвина Уметбекова