Ош шаарындагы 12 мектеп акысыз интернет менен камсыз болот

Ош шаардык билим берүү башкармалыгынын тийиштүү мекемелер менен сүйлөшүүлөрүнүн жыйынтыгында шаардагы 12 мектеп акысыз интернет менен камсыздалат. Бул тууралуу аталган башкармалыктын кызматкери Тынчтыкбек Досмуратов билдирди.

Маалыматка ылайык, шаардагы №2, 4, 5, 6, 7, 8, 14, 18, 20, 27, 38 жана 42-мектептерге интернет түйүндөрү орнотулуп, ал мектептерди күнү-түнү акысыз интернет менен камсыздайт. Ош шаардык билим берүү башкармалыгы тиешелүү компания менен мектептерге келишим түзүүдө өзгөчө өрт жана техникалык коопсуздукка абдан көңүл бурууну тапшырды.

Автор: Максат Кудайбердиев
Фото: Интернеттен алынды