№37-түзөтүү абагынын кызмат адамдарына кылмыш иши козголду

№37-түзөтүү абагынын кызмат адамдарына кылмыш иши козголду. Бул тууралуу ИИМдин басма сөз кызматы бүгүн, 28-ноябрда билдирди.

Маалыматка караганда, аталган түзөтүү абагынын кызматкерлери жалган маалыматтардын негизинде 1982-жылы туулган Т.У. аттуу жаранды мыйзамсыз бошотуп жиберишкен. Абактан чыккан соң ал адам Өзгөн районунда бир аялды сабап салган. Бул боюнча кылмыш иши козголуп, шектүүгө издөө жарыяланган. Бирок шектүү бул учурда жатак-абагында болушу керек эле. Учурда бул боюнча кылмыш иши козголуп, тергөө амалдары жүрүп жатат.

Ал эми кылмышка шектүү кармалып, убактылуу кармоочу жайга киргизилди.

Автор: Бекжан Рыскулов