Өткөн суткада өлкө аймагында 7 өрт кырсыгы катталып, Шамалды-Сай шаарында жеңил унаа толугу менен күйүп кетти

Жарандык коргонуунун Өрткө каршы күрөшүү кызматынын маалыматы боюнча, акыркы суткада өлкө аймагында 7 өрт кырсыгы катталып, аларды өчүрүүгө 8 өрт өчүрүү бөлүмү тартылган.

Өзгөчө кырдаалдар министрлигинин басма сөз кызматынын 4-декабрда берген маалыматына ылайык, Бишкек шаарында 3, Чүй облусунда 1, Ысык-Көл облусунда 1, Ош облусунда 1, Жалал-Абад облусунда 1 өрт кырсыгы катталган.

Шамалды-Сай шаарындагы Теңдик айылында Ауди-100 үлгүсүндөгү автоунаасы толугу менен күйүп кетти. Өрттүн келип чыгуусуна электр жабдууларын куроодо техникалык эрежелердин бузулушу себеп болгон.

Ошондой эле Ноокат районуна караштуу Кара-Таш айыл өкмөтүндөгү үйлөрдүн биринде өрт кырсыгы катталган. Анын кесепетинен жыгач устундуу, шифер жабылган, аянты 40 чарчы метр 2 кабаттуу сарайдын чатыры, 3 тонна чөп толугу менен күйүп кеткен. Өрттүн келип чыгуусуна электр жабдууларын куроодо техникалык эрежелердин бузулушу себеп болгон.

Автор: Мальвина Уметбекова
Фото: Интернеттен алынды