Жылнаама, 7-декабрь: Мындан 26 жыл мурун Армениядагы жер титирөөдөн 25 миңге чукул киши набыт болгон

* 7-декабрь - Эл аралык жарандык авиация күнү. БУУнун Жарандык авиация уюму бул күндү 1992-жылы жарыялап, 1994-жылдын 7-декабрынан тарта белгилене баштаган. Ал эми бул күндүн маанисин жогорулатуу максатында 1996-жылы БУУнун Генералдык ассамблеясы бекитип, бардык өкмөттөрдүн, улуттук, аймактык, эл аралык уюмдардын бул күндү белгилөөсү үчүн тиешелүү чаралар көрүлгөн.

* Мындан 26 жыл мурун, 1988-жылы Арменияда чоң зилзала катталган. Спитак шаары толугу менен талкаланып, анда 25 миңге чукул киши набыт болгон.

* Мындан 12 жыл мурун, 2002-жылы Тажикстан, Өзбекстандан Чүй облусуна жер которгон этникалык кыргыздар Панфилов районунда жыйын өткөрүшкөн. Жыйында Чүй өрөөнүндө 9 миң чамалуу адам орун алгандыгы жана алардын Кыргызстандын жарандыгын ала албай жатканы тууралуу көйгөйлөр козголгон.

* Мындан 31 жыл мурун, 1983-жылы Мадриддин аэропортунда 2 учак кагышып, 93 киши каза тапкан.

7-декабрда Кыргызстанда жана дүйнөдө орун алган окуялар тууралуу кененирээк бул жактан окуй аласыздар.

Автор: Айпери Ганыжан кызы