Акыркы 11 айда 545 коррупциялык мүнөздөгү кызматтык жана башка кылмыштар аныкталган

Акыркы 11 айда 545 коррупциялык мүнөздөгү кызматтык жана башка кылмыштар аныкталган. Өткөн жылга салыштырмалуу 12 фактыга көп. Бул тууралуу ИИМдин басма сөз кызматы бүгүн, 10-декабрда билдирди.

Маалыматка караганда, аныкталган кылмыштардын ичинен коррупция фактысы боюнча - 8, паракордук - 49, кызмат абалынан кыянаттык менен пайдалануу - 257, карамагындагы мүлктү ысырап кылуу же өзүнө ыйгарып алуу - 57, анын ичинен өзгөчө ири өлчөмдө - 4, кызматтык жасалмалуулук - 23 жана башка ар кандай кылмыштар - 159. Ошондой эле 229 кылмыш иши сотко жөнөтүлүп, 75 иш боюнча соттук чечимдер кабыл алынган.

Автор: Бекжан Рыскулов