“Бишкектеги банктардын бирин карактаган” деп шектелгендердин экинчиси кармалды

“Бишкектеги банктардын бирин карактаган” деп шектелгендердин экинчиси кармалды. Бул тууралуу бүгүн, 11-декабрда ИИМдин басма сөз кызматы билдирди.

Айта кетсек, окуя 23-ноябрь күнү эртең менен болгон. Анда эки белгисиз куралчан жаран Л.Толстой көчөсүндө жайгашкан “ЭкоИсламикБанктын” филиалына кирип, коопсуздук кызматкерин жана 2 кассирди сабап, кассадагы акчаны алып кетишкен. Алар качып бара жатканда ошол жактагы аймактык милиция кызматкери байкап калып, артынан түшкөн. Кийин ага коопсуздук кызматкери да кошулуп, экөө кылмышка шектүүлөрдүн бирин кармашкан.

Автор: Бекжан Рыскулов