"Тамашоунун" чейрек финалында "Биатлон" сынагында "ОШолор" командасы жеңишке жетишти

Бүгүн, 13-декабрда Кожомкул атындагы Спорт Ордосунда “Тамашоу” Лигасынын 7-сезонунун чейрек финалы болуп жатат. Жарым финалчыларды аныктоого багытталган бул күнкү жарышка "Элестет", "Айым", "IUK", "Олимпик", "Арабаев", "National", "Позитифф", "Бруклин", "Ассорти", "Кыялкеч", "НКБ", "Жалал-Абад", "ОШолор" командалары катышты. Алгач биатлон сынагы болуп, жыйынтыгында "ОШолор" командасы жеңишке жетишип, 1 упайга ээ болду. Ал эми алар менен катуу таймашкан "Бруклин" командасы 0,8 упайга ээ болду. Командалар биринен-бири озуп, элге кызыктуу кеч, жакшы маанай тартуулашууда.

"Биатлон" сынагынын жүрүшүндө катталган кызыктуу тамашалардан:

* Ай ушул светтин акчасы чапкан атка жеткирбей, жеткирбей бара жатты...

* Бири-бириңе пас берип, ойногула, балдар, ай,

Кез-кезде бир коргонууну ойлогула, балдар, ай.

Антип ойной албасаңар,

"Тамашоуго" калыс болгула, балдар, ай. ("Позитифф" командасы).

* Уйкумдан серпилгенде эртең менен ойготкон кишини карап туруп чаап жибергим келет. ("НКБ")

* Биз "качкадан" чыкканда машыгуу бүтүп, көчөлөрдө жүрчү элек "понтторду" күтүп... ("Олимпик")

Автор: Максат Кудайбердиев
Фото: Максат Кудайбердиев