Нарын. Учурда Нарын шаарында 7 жерде жол чырак иштейт

Нарын шаарынын ички жолдорунун жалпы узундугу 106 чакырымды түзөт. Мунун ичинен асфальтталганы 42 км, 64 чакырымы таштак жолдор, ал эми тротуарлардын узундугу да 64 чакырым.

Мэрия тарабынан 2012-жылдын жай айларында шаар көчөлөрүнө 382 даана түнкү жарык берүүчү лампалар орнотулду. Ошондой эле учурда шаардын 7 жеринде жол чырак иштейт, мунун үчөө жаңы коюлса, калгандары оңдоп-түзөөдөн өткөн. Мындан сырткары шаардагы мектеп, бала бакчалардын тушундагы унаа жолдоруна ылдамдыкты төмөндөтүүчү дөңсөөлөрдү жасоо зарылчылыгы да бар. Аларды бирөөсүн орнотуу үчүн 12-14 миң сом талап кылынарын айтат мэрия.

Автор: Гүлжан Асанкожоева