Талас. Талас шаарында жаштардын көйгөйлөрүн чечүүгө жардам берген өспүрүмдөр бөлмөсү иштеп жатат

Талас шаарындагы үй-бүлөлүк дарыгерлер борборунда өспүрүмдөрдүн ден соолугун чыңдоого арналган тегерек стол болуп өттү. Айта кетсек, 2012-жылдын ноябрь айында аталган борбордон атайын өспүрүмдөр үчүн бир бөлмө бөлүнүп берилген. Бул бөлмөдө өспүрүм курактагы балдардын эч кимге айта албаган көйгөйлөрүн чечүүгө жардам берилет. Ноябрь айында бул жайга 9 бала өз маселелери менен кайрылса, декабрь айында 17 бала кайрылган. Ал эми аталган тегерек столго облустук жана райондук үй-бүлөлүк дарыгерлер борборлорунун жетекчилери, акыйкатчынын облустагы өкүлчүлүгүнүн кызматкерлери, Жаштар, эмгек жана иш менен камсыз кылуу министрлигинин өкүлү, Кызыл Жарым Ай коому жана журналисттер катышып, жаштардын ар кандай маселелери талкууланды.

Автор: Нургүл Чабдарова
Фото: Нургүл Чабдарова.