Бишкекте Роман Гуманюктун “Алхимия, чыгыш жана шахматтар” аттуу жеке көргөзмөсү ачылды

Сүрөтчү Роман Гуманюк.

Жөө аскерлер.

Ак күжүрмөн.

Ферзь.

Кара пил.

Падыша.

Чыгыш короосу.

Тандыр.

Оттун жанында.

Туулга менен натюрморт.

Кара ладья.

Коркуратма менен натюрморт.

Леонардонун устаканасында.

Килем базары.

Кум арасында.

Базар катарларында.

Соку менен натюрморт.

Алхимия.

Тараза менен натюрморт.

Викингдердин чоң кайыгы.

Атчан жоокер.

Бүгүн, 18-декабрда Бишкектеги Гапар Айтиев атындагы Улуттук көркөм өнөр музейинде жаш сүрөтчү Роман Гуманюктун “Алхимия, чыгыш жана шахматтар” аттуу жеке көргөзмөсү ачылды. Көргөзмөдө орун алган автордун 33 эмгегинин 15и полотного тартылган живопись, 18и миниатюралар.

Айта кетсек, Роман Гуманюк 1985-жылы Бишкекте туулган. Ал Кыргызстан, Казакстан, Украина жана Болгария мамлекеттеринде 22 жеке көргөзмөсүн өткөргөн. Ошондой эле Франция, АКШда кыргызстандык сүрөтчүлөрдүн көргөзмөсүнө катышкан. Сүрөтчү ар түрдүү жанрда жана техникада иш алып барат. Анын эмгектери дүйнөнүн ар кайсы өлкөлөрүндө татыктуу баасын алган.

Көргөзмө тууралуу жаш сүрөтчү Роман Гуманюк: “Менин жан дүйнөмө чыгыш темасы жакын. Ошондой эле быйыл Эл аралык шахмат федерациясынын 90 жылдыгы болгондуктан, шахмат темасында тартылган сүрөттөр да аралашып кетти. Бул идеяны КРнын Шахмат федерациясынын башчысы Милан Турпанов сунуштады. Негизи, сүрөтчү - образдын генератору, образды болсо көрүүчү кабыл алат. Ал эми көргөзмө кандайдыр бир деңгээлде айлана-чөйрө менен баарлашуу болуп саналат. Пикасо айткандай, картиналар көрүүчүлөр болгондо гана жашайт”,- дейт.

Автор: Динара Абдыкадырова
Фото: Динара Абдыкадырова