Бишкекте “Манас”, “Семетей”, “Сейтек” үчилтигинин жаңы варианты басылып чыгарылды

Бишкекте акын, манасчы С.Орозбаков, С.Каралаев, Тоголок Молдо, Ш.Рысмендеев, М.Мусулманкуловдун айтуусунда жазылып алынган “Манас”, “Семетей”, “Сейтек” үчилтиги кайрадан басылып чыгарылды. КРнын Илимдер академиясынан билдиришкендей, бул варианттын бет ачары 24-декабрда Бишкекте болот.

Белгилүү болгондой, биринчи үчилтик 1960-жылдары адабиятчы жана окумуштуу Б.Юнусалиев, М.Ауэзов, Т.Сыдыкбеков, А.Токомбаев, К.Маликов, Б.Керимжанова, Ө.Жакишов, К.Асаналиев жана башкалардын эмгеги менен жарык көргөн.

“Көптөгөн филологдордун айтымында, эпостун бул варианты кыргыздын моралдык-этикалык кодексин, элдин даанышмандыгын камтыйт”,- деп билдиришет Илимдер академиясынан.

Автор: Динара Абдыкадырова
Фото: Интернеттен алынды