Бишкекте өз үйүндө асынып алган түрк жараны курулуш ишканасынын жетекчиси болуп чыкты

Борбордогу көп кабаттуу үйлөрдүн биринен кечээ, 24-декабрда саат 17:00 чамасында түркиялык жарандын асынган абалдагы жансыз денеси табылган. Ал Бишкектеги ири курулуш ишканасынын башкы директору болгон. Бул тууралуу бүгүн, 25-декабрда Бишкек ШИИББинин басма сөз кызматынан билдиришти.

Маалыматка ылайык, асынып алган түркиялык жарандын курулуш компаниясынын карыздары көбөйүп кеткен. Ал асынып алган батирди акыркы бир жылдан бери ижарага алып, үй-бүлөсү менен жашап келгени белгилүү. Учурда маркумдун денеси соттук-медициналык экспертизага жөнөтүлгөн.

Автор: Мальвина Уметбекова