Баткенде окуучулар үчүн балаты майрамы өткөрүлдү

Баткен облустук А.Жайнаков атындагы музыкалык драма театрында окуучулар үчүн балаты майрамы өткөрүлдү. Бул тууралуу өкмөттүн Баткен облусундагы ыйгарым укуктуу өкүлүнүн басма сөз катчысы Дилара Парпиева билдирди.

Иш-чарага жалпысынан облустагы район-шаарлардан, мектептерден, балдар үйүнөн окуучулар чакырылып, аларга театрдын чыгармачыл тобунан атайын даярдалган концерттик программа коюлду.

Облус жетекчиси Жеңиш Разаков балдарды Жаңы жыл майрамы менен куттуктап: "Келе жаткан жыл ак тилектин, аруу ниеттин, ынтымактуулуктун жана тилектештиктин жылы болсун!"- деди. Ошондой эле окуучуларга ыйгарым укуктуу өкүлдүн белектери тапшырылып, тамак-аш уюштурулуп берилди.

Автор: Айпери Ганыжан кызы