Ырчы Жоодарбешим борбор калаада алгачкы жолу жеке концертин берди

Сахна сыртында чыгармачыл жамаат үчүн дасторкон жайылыптыр.

Жоодарбешим күйөрман кызы менен сүрөткө түшүп жатат.

Жоодарбешимге досу белекке домбра берди.

Жоодарбешим, Сайкал, Ильяз.

Сахна сыртында.

Самын көбүкчөлөрүн кармоого кызыккан бөбөктөр.

"Кыз-Бурак" тобу.

Конок ырчы Айпери Кубик кызы.

Жоодарбешим жана Сайкал дуэт ыры менен.

Сахнага Жоодарбешимдин ата-энеси чыгып, уулуна ак батасын беришти.

Жоодарбешим апасына гүлдесте тартуулады.

Ырчы Замир Арыкбаев.

"Кыргыз двор" командасынын оюнчулары.

Ырчы Жоодарбешим.

Концерттин алып баруучулары Амантур Абдусалам уулу жана Жийде Зоотбекова.

"Супер-Инфо" гезитинин тандоосу боюнча 2013-жылы “Жылдын супер дебюту” наамын жеңип алган ырчы Жоодарбешим 25-декабрда борбор калаада алгачкы жолу жеке концертин берди. Спорт Ордосунда орун алган тушоо кесүү концерти 1 саат кечигип көшөгөсүн ачты, ал эми күйөрмандары залдын 70 пайызын ээледи. Кечеде алып баруучулук милдетти актёр Амантур Абдусалам уулу жана телеалпаруучу Жийде Зоотбекова аркалашты. Келечектен көптү үмүттөндүргөн Жоодарбешим эл алдына чыгып, сүйүнүчү коюнуна батпай, толкунданып жатканын айтты. Өзүнүн башынан өткөн тагдырын ырга айланткан талант ээси ыр сүйүүчүлөрдүн жүрөгүнөн түнөк таап, хитке айланган ырларын жаңыртты. Алардын арасында кулакка сиңген “Өкүнбө”, “Жубайым болчу”, “Унутулбас махабатым”, “Жаман ойлобо”, “Кечир, таарынтсам эгер” аттуу кайрыктары болду. Анын ар бир номерин “Эксклюзив” жана “Миң кыял” тобунун бийчилери коштоп турушту. Бир канча музыкалык аспапта кол ойноткон ырчы концертинде аккордеон тартып, жандуу үн менен обон созду. Ошондой эле Жоодарбешим күйөрман кыздары берген гүлдестелерди көтөрүп, “Ата-энеме кат” ырын аткарып, апасынын алдына барып гүл тапшырды. Андан соң уулунун ийгилигине күбө болуу үчүн ат арытып Токтогулдан келишкен ырчынын ата-энеси сахнага чыгып, келген көрүүчүлөргө алкыш айтып, уулуна ак батасын беришти. Ырчыны куттуктап “Кыз-Бурак” тобу, Айпери Кубик кызы, Замир Арыкбаев, Ильяз Абдыразаков, Мажиттин карындашы Сайкал ыр белек сунушса, "Тамашоу" долбоорунун "Кыргыз двор" командасынын оюнчулары көңүлдүү маанай тартуулашты.

“Концерт башталарга чейин маанайым абдан чөгүңкү эле. Борбор калаада жеке концерт берүү абдан оор экенин эми билип отурам. Жакшы уюштуруу үчүн болгон аракетимди жумшадым. Айрыкча сахна жасалгасына басым жасадык. Элдин купулуна толду деп ишенем”,- дейт толкунданган Жоодарбешим.

Жоодарбешимдин тушоо кесүү концерти

Автор: Динара Абдыкадырова
Фото: Динара Абдыкадырова

00:37 26-12-2014

Жазылуу

РУБРИКАДАГЫ СОҢКУ КАБАРЛАР

18:34 2025-05-10 | Саясат

Бишкектеги мектептердин бири казак президентинин атасынын наамын алды 136 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 160 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 697 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 545 0

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 523 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 1121 0

Архив

Комментарийлер (25)

Nursultan.m.n

2014-12-26 04:58:08

Азаматсын красава

Zair_Alimov

2014-12-26 05:02:43

Тушоо кесуу концерти кут болсун! Дагы коп коп ушундай мындан дагы жогору денгээлдеги концерттерди откоро бер брат ийгилик! Бар бол... А нурлан насип келбеген болсо может концерттен дагы важный жумушу чыгып калгандыр, айтоор муну жоодардын озу чечет озу билет.. бирин бири тушунуу деген болушу керек... кыскасы бизге койсо биттен пил жазап ийебиз.. андайыбызды ташташыбыз керек туугандар!

Nuura

2014-12-26 06:22:03

Нурлан Насип Жалалабад шаарында журот болуш керек .Ошон учун келбей калганго.))

amanatym

2014-12-26 09:00:13

кимдин концерти болду озу?! Келбесе келбейт да элдер ушак издеп эле калыптыр

-1

aidartegin

2014-12-26 09:00:49

Азаматсын,,,,Жоодар...жана бул жерде ушу дээнгелге жеткисип.колдоп коштоп жургон продюсери Каниет Жыргалбековду мактай кетпесек болбойт..

Aipri

2014-12-26 10:24:05

Концерт соонун болду. Жоодарбешим Каниет молодцы. Амантур соонун алып барды. Жийдеш коп суйлоп уну менен тажатып жиберди.

aruuzat88

2014-12-26 10:36:26

Толик сынчыдан угабыз калганын.

miraiymka

2014-12-26 11:48:01

Ээх мен бара албадым,КГ бугун учуп келдим,Жоодарбешимдин концертинин афишасын ФК тан коруп суйундум эле,барсам болот эле деп,бара албай калдым,ырларын суйуп угам,кантседа жердешиме чон чон ийгиликтерди каалайм,чыгармачылыгы оркундоп онору кучой берсин,ушундай баланы чонойткон ата энесине таазим,ата эне бир туугандарынын кокурок кучугу болуп жадырап жайнап журо беришине тилектешмин.АЗАМАТСЫН ЖООДАРБЕШИМ!!!ИЙГИЛИК!!!

miraiymka

2014-12-26 11:50:31

видеосун киргизет деген умуттобуз,супер инфо,чыдамсыздык менен кутобуз,алдын ала рахмат.

Tursunai23

2014-12-26 12:40:59

Жоооодарбешим Азаматсын! Концерт жакшы денгээлде уюшулгандыгы корунуп турду.

Ayday94

2014-12-26 13:58:46

Абдан жагат ырлары ,азаматсыз...

KIPCHAK-KALMAK

2014-12-26 15:06:41

Кайсыл жерден болот бул ырчы биринчи жолу корушум?

-2

Doolot

2014-12-26 15:34:45

Сайкал Садыбакасованын таенеси жакында эле дуйно салды эле а бул концертте журотко азаа кутуу деген жокбу бул кызда?

-3

amanatym

2014-12-26 17:34:52

Doolot, кайдан Сайкалды кордунуз?

Dadin2

2014-12-26 18:22:33

amanatym, Кыз-Бурак деп эки кыз туратко бири Сайкал.

yasmina_kg

2014-12-28 09:54:09

Жоодарбешим,келечекте мыкты ырчылардын бири болоруна ишенем.Эл учун журоктон сууруган ырлар жарата бер.

admin_portal

2014-12-29 09:40:59

Mavlyuda - эскертүү!
Жалаң баш тамгалар менен жазууга тыюу салынат.

Комментарий калтыруу үчүн өз ысымыңыз менен кириңиз же каттоодон өтүңүз.