Бишкекте 8-кабаттан кулап каза болгон өспүрүмдүн иши боюнча Нариман Түлеевге айып салынып, эки кызматкер иштен бошотулду

“ЭкспоСтрой” ЖЧКсынын курулуш объектисинин 8-кабатынан кулап кетип каза тапкан 16 жаштагы Жаныш Мамбетакун уулунун өлүмү боюнча аталган ишкананын жетекчисинин орун басары Нариман Түлеев жана ишкананын аткаруучу жетекчисине 20 миң сом өлчөмүндөгү административдик айып пул салынды. Бул тууралуу бүгүн, 30-декабрда өкмөттүн басма сөз кызматынан билдиришти.

Маалыматка ылайык, бул иш боюнча курулушка тиешелүү көзөмөл жүргүзбөгөндүгү үчүн Мамлекеттик экологиялык-техникалык инспекциянын инспектору менен бөлүмдүн жетекчиси да иштен бошотулду.

Белгилүү болгондой, өкмөт башчы Жоомарт Оторбаев өзүнүн жеке көзөмөлүндөгү окуя боюнча жыйын өткөргөн болчу. Анда ал өспүрүмдүн өлүмү боюнча тиешелүү мекемелерди катуу көзөмөлгө алуу тапшырмасын берген. Жүргүзүлгөн иликтөө иштеринин алкагында "Бишкек башкы курулуш" тарабынан Бишкек шаарында курулуп жаткан көп батирлүү 26 үй текшерилди. Жыйынтыгында 2 объекттин курулушу токтотулуп, 43 миң сом өлчөмүндөгү айыптар салынды.

Ошондой эле жогоруда аталган окуяны иликтөө иштеринин алкагында каза болгон Жаныш Мамбетакун уулу “ЭкспоСтрой” ЖЧКсынын бригадири Ж.Тобокеловдун кайниси болгондугу аныкталды. Ал 24-ноябрь күнү жетекчилерине кабар бербестен, кайнисин объекттин аймагына киргизген. Аталган курулушта техникалык коопсуздук жана эмгекти коргоо боюнча курулуш нормаларын жана эрежелерин сактабаган күнөөлүү тарапты аныктады. Жоопкерчиликтерин кароо максатында комиссиянын материалдары Ленин райондук прокуратурасына жөнөтүлдү. Аталган факт боюнча Ленин райондук прокуратурасы тарабынан кылмыш иши козголуп, иликтөө Бишкек ШИИББинин тергөө бөлүмүнө өткөрүлүп берилди.

"Азыркы учурда тергөө аракеттери улантылууда. Мындан тышкары курулуштардагы кокустук окуялары жана өрт кырсыктарына байланыштуу Мамэкотехинспекциянын ишмердүүлүгүн анализдеген түзүмдөр аралык комиссия түзүү тууралуу демилге көтөрүлүп жатат. Комиссиянын ишинин жыйынтыгы жана укук коргоо органдарынын иликтөөлөрүнүн жыйынтыгы боюнча тиешелүү корутунду берилет" деп айтылат маалыматта.

Автор: Мальвина Уметбекова
Фото: Интернеттен алынды

12:31 30-12-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (17)

myrza80

2014-12-30 12:42:00

Кайсыл Нариман Тулеев,соттолуп жаткан Нариман болсо биротоло бар же жок болобу,эгерде анча болсо Камила Дуйшобаеваны дагы ушуга окшогондорду мойнуна илип койгула жыл аягында баардык иш жабылат кутуласынар.

+15

Kamolovna

2014-12-30 12:57:05

myrza80, ошону айтсаныз...уффф

Nurmuhammad

2014-12-30 13:05:49

Кечее айылда тооктор жоголуптур Н.Тулеев уурдаган окшойт...
Башка шектуу адам жок болуп жатат...

nurbolot122

2014-12-30 15:19:36

Nurmuhammad, кандай тушунбойсунор. Эмне Нариманга асылып атат билдинерби? Убагында ал мэр болчу. Кабат уйлордун курулушун туура эмес жетектеген болуп атпайбы.

tagokg

2014-12-30 13:07:51

Каза болгон баланы Нариман ака СИЗОдон акырыыын чыгып, жетелеп барып туртуп ийсе керек, менин оюмча.

bema_bema

2014-12-30 13:27:10

Ушунчалык дагы болосунарбы бийликтегилер,сизодо жаткан адам барып туртуп салды дегиле ,азыр Нариман ака иштебей сизодо болсо деле илип койгула мойнуна

zman53

2014-12-30 14:16:46

Кыргызстанда бир эле куноолуу адам,бул Нариман!Башкалары баары тен кузгудой "таза адамдар"!

kursantbek

2014-12-30 14:59:45

админ кайсы Нариман Тулеев айтып койсонор азыркы убакта соттолуп жаткан экс мэрби??

skanya87

2014-12-30 15:29:29

Нариман Тулеевди ушунчалык начар адам дейт Н.Т жаткан 47 турмодо менин эжем иштейт айтат Н.Т ото начар аялы келет дейт очередь кутпой мен келе жатканда неге эшикти ачпайсынар деп жанжал салат Н.Т каалаганындай журот баарын согот СИЛЕРГЕ КОРГОЗОМ ДЕП КОРКУТАТ иши кылып ар кандай жаман кылыктарын коргозот оорудум деп сот иштерине барбай коет экен болбосо оорубай эле тынч эле жатат комнатасында дейт акырын видеого тартып интернетке жонотпойсуздорбу десем коркобуз иштен айдалып кетсек дейт

skanya87

2014-12-30 15:30:31

анан дагы газеталарга бизди жамандап бир байкуштун кейпин кийип интервью берет экен калп эле
бул иштеп журсо бошонуп чыгыптыр да э турмодон мен Н.Т жакшы адам экен деп ойлочум шумшук тура корсо аны жактап мактап кереги жок эми бул менин комметим окуп алып да жанжал салбаса болду

ermak15

2014-12-30 15:39:31

Экс мэр Н.Тулеев эле окшойт. Ошол ишкананын замы экен. Достор кичине карасанар аткаруучу директору менен замына айып пул салыныптыр. Кобуроок салаш керек эле. Бир адам олуп атса, булар 20 мин сом менен кутулат экен.20 мин доллар салсада ошол баланын бир кундук омуруно да арзыбай. Негизи эле азыр шаардагы копчулук стройкомпаниялар коопсуздук эрежелерин жакшы сактабайт.

Aksy-13

2014-12-30 17:22:49

Окшош ат, фамилия окшойт менимче,себеби ишкананын жетекчисинин орун басары деп жатпайбы Нариман Түлеев дегенди

temirov76

2014-12-30 19:29:04

Н Тулеев каяктан журуп курулуш компанияга зам болуп барат эле,туура тушунуп жазсанар

shukran

2014-12-30 22:40:27

nariman tuleevdin firmasy bolso kunoluu bolot da, turmodo bolso da ishtep jatat jantalashyp

Saribulak

2014-12-31 00:08:07

Ызылдай бербегилечи бир эле нариман бар бекен. Хотя Нариман Тулеев деле (мэр) периште эмес анын да куноосу коп эл алдында

yasmina_kg

2014-12-31 09:41:30

Байкуш бала он гулун бири ачылбай,ата энесин сыздатып кете берди.Куураган турмуштун айынан барды да,курулушка.Болбосо билим алып болочокто бир кесиптин ээси,уйлонуп балдарына ата болмок.Бул билингени билинбей калган кор оокатын айынан канча оспурум каза болуп жатышат,дагы канчасы ата энесин кан жуткурат.Балдардын омурун жарыбаган акчага баалаган чондордо уят сыйы бар бекенби.Озлорун балдары кара жумуш эмес,киргени ресторан минген жип акча менен кирген окуусун жондоп окушпайт.

mer88

2014-12-31 14:30:14

арты кайырлуу болсун не дейбиз олгондун озунун шору да

Комментарий калтыруу үчүн өз ысымыңыз менен кириңиз же каттоодон өтүңүз.