Кудайберген Базарбаев Баткендеги ден соолугунун мүмкүнчүлүгү чектелгендер менен жолугушту

КРнын Социалдык өнүгүү министри Кудайберген Базарбаев Баткен облусундагы улгайган адамдар, социалдык жөлөк пул алуучулар жана ден соолугунун мүмкүнчүлүгү чектелген жарандар менен жолугушту. Бул тууралуу 4-январда аталган мекеменин басма сөз кызматы билдирди.

"Өткөн жылы министрлик социалдык өңүттө 476 адамга кызмат көрсөттү. Биздин максат - убактылуу кыйынчылыкка туш болгондорго жардам көрсөтүү. 2014-жылы ай сайын жөлөк пул алган балдардын саны 29 миңге кыскарды. Бул жылы мамлекеттик социалдык буюртманын суммасын 22,5 миллион сомго чейин көбөйттүк",- деди министр.

Белгилүү болгондой, жаңы жылдык эс алуу учурунда министр Баткен облусундагы социалдык жардамга муктаж катмар менен жолугушат.

Автор: Айпери Ганыжан кызы