2014-жылдын 11 айында укук коргоо органдарындагы коррупция өлкөгө 1 миллиард 261 миллион сомдук зыян алып келген

Кыргызстанда 2014-жылдын январь-ноябрь айларында укук коргоо органдарындагы коррупциялык фактылар боюнча 1268 кылмыш иши ачылган. Келтирилген зыяндын суммасы - 1 миллиард 261 миллион 466 миң сом. Өкмөттүн маалыматы боюнча, коррупциялык фактылардын бетин ачуунун саны мекемелер боюнча төмөнкүдөй:

Улуттук коопсуздук мамлекеттик комитетинин Коррупцияга каршы күрөшүү кызматы - 295;

Экономикалык кылмыштарга каршы күрөшүү боюнча мамлекеттик кызмат - 463;

Ички иштер министрлиги - 510.

Козголгон кылмыш иштеринин 506сы соттук териштирүүгө жөнөтүлгөн: УКМКнын Коррупцияга каршы күрөшүү кызматынын 135 фактысы, Экономикалык кылмыштарга каршы күрөшүү боюнча мамлекеттик кызматынын 159, Ички иштер министрлигинин 212 фактысы.

Келтирилген чыгымдын 356 миллион 704 миңинин орду толукталганы айтылды.

Автор: Автандил Добулбеков