Борбордогу "Аламүдүн" базарынын жанынан жөө адамды сүзүп кеткен айдоочу 2 жумадан бери табыла элек

Бишкек шаарында өткөн жылдын 27-декабрынан 28-декабрына караган түнү 32 жаштагы Бакыт Төлөгөновду "Аламүдүн" базарынын жанынан сүзүп кеткен айдоочу дале табыла элек. Бул тууралуу бүгүн, 9-январда SUPER.KG порталына маркумдун жездеси Искендер Бектуров билдирди.

“Бул каргашалуу окуя түнкү саат 03:00 чамасында болгон. Аны көргөн эки-үч күбө да бар. Кайнимди сүзүп кеткен унаанын түсү, үлгүсү да белгилүү. Ал күмүш түстөгү Мазда Демио үлгүсүндөгү унаа болчу. Окуя болгондон бери 2 жума өттү, бирок ал айдоочу табыла элек. Менимче, милиция жакшылап иликтесе, бат эле табылмак. Алар "мындай кырсыктар көп катталып жатат, биз издеп жатабыз" дешүүдө. Бир эмес, 2-3 видео бар, биз күбөлөрдү издеп, элге жардам сурап кайрылганыбызда телефон чалуулар да болгон. Бирок эмнегедир милиция эч кандай илинчек болбой жатканын айтууда”,- дейт И.Бектуров.

Эске салсак, каза тапкан Б.Төлөгөнов унаа сүзгөндө катуу соккудан бир нече метрге ыргып барып кулап, окуя болгон жерден жан берген. Ал эми айдоочу катуу ылдамдыкта изин жашырып кеткен.

Эгер бул окуя тууралуу кандайдыр бир маалыматка ээ болсоңуздар, Бишкек ШИИББи, КРнын ИИМине же Свердлов РИИБине төмөнкү номурлар аркылуу кайрылыңыздар: (0770) 00-17-17, (0701) 30-00-07.

Борбордо жөө жүргүнчүнү сүзүп качып кеткен айдоочу изделүүдө

Автор: Мальвина Уметбекова

11:55 09-01-2015

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (1)

kg-zzzzz

2015-01-09 15:29:27

вот урод а качып кетпей токтоп жардам берсе болотко кочодогу итти сузуп кеткендей кетип калбай. биздин кыргызстанда качан праваны саткан токтотулат экен а?

Комментарий калтыруу үчүн өз ысымыңыз менен кириңиз же каттоодон өтүңүз.