Ош облусунун Араван районунда Мухаммед пайгамбардын туулган күнүнө арналган иш-чара өттү

Кечээ, 9-январда Араван районундагы “Аль-Бухарий” мечитинде Мухаммед пайгамбардын туулган күнүнө карата иш-чара өттү. Облустук казыяттан кабарлашкандай, ага Ош облусунун казысы Ниязали ажы Арипов, Араван районунун акими Курбанбек Айтибаев, райондун башкы имам-хатиби Сайидбурхан Сайидходжаев жана башкалар катышты. Жума намазынын алдында райондун акими Курбанбек Айтибаев элди куттуктап, учурда көпчүлүк жетекчилер ислам баалуулуктарын баалап, ыйман жолуна түшүп жатканына токтолду. Ал жамаатты ынтымакта жана биримдикте болууга үндөдү.

Облус казысы Ниязали ажы Арипов сөз алып: "Мухаммед пайгамбар 12-Рабиул аввал айында дүйшөмбү күнү жарыкка келген. Чоң атасы Абдулмутталиб небересинин төрөлгөнүнүн 7-күнү элди чакырып, Мухаммед деп ат койгон. Мухаммед пайгамбар да өзү төрөлгөн дүйшөмбү күнү орозо кармачу. Пайгамбарыбыздын кулк-мүнөзүн, жүрүм-турумун жана айтып кеткен баалуу осуяттарын турмушта туу тутуп жашоо ага болгон сүйүүбүздү бекемдеп, анын шапаатына жетүүнүн себепчиси болот”,- деди.

Иш-чаранын соңунда келген коноктор жамаат менен жума намазын окушту. Эскерте кетсек, Араван районунун борбордук мечитинен башталган мавлид жөрөлгөлөрү бир ай бою кийинки жума күндөрүндө ар бир айыл өкмөттөрдүн, айылдардын мечиттеринде өткөрүлөт.

Автор: Максат Кудайбердиев

15:59 10-01-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (10)

myrza80

2015-01-10 16:17:29

Биз эмне бир ай майрамдап христиандардай боло баштадыкпы?тарыхка коз чаптырсак бул жоролго жакында эле башталды.Бирок бизге пайгамбарыбыздын туулган кунун белгилоо буйрулган эмес,исламда айтылган мусулмандар силер туулган кун белгилеп христиандарга окшоп калбагыла деп.

aruuzat88

2015-01-10 18:06:44

myrza80, Бизге жаны жыл, туулган кунду белгилегиле деген да буйрук жок, эмне учун мусулман болуп бул майрамдарды майрамдайбыз, жана китепте Пайганбарыбыз Мухаммад С.А.Вдын туулган куну жаны жыл куну деп эсептелет.

myrza80

2015-01-10 19:24:49

aruuzat88, исламда эки эле майрам бар орозо айт,курман айт башка эч кандай майрам жок бирок ислам дининде озунчо агымдар коп ошолор озулорунун тушунугу боюнча ар кандай майрамдарды кошуп алышкан,ошон учун экообуз талашпайлы себеби ото чон илим керек аны учун.Бирок мен уй буломдо 2майрамды майрамдайбыз.

AZIK01

2015-01-10 22:42:24

myrza80, тууган!
Бул жерде "Майрам" деп жазылып турганын көрдүңүзбү?
Исламда майрамдардан сырткары "Өзгөчө дата" деген нерсе бар.
Бул жерде майрамап, оюн-күлкү кылып жатышкан жок. Чогулуп, Пайгамбарыбызга салаваттар айтылып жатса керек. Чогуу Аллаһ'ты эстеп, анын расулуна рахмат жана салават айтканды майрам деп эсептейсизби?

dollar91

2015-01-10 20:21:12

Канткен кундо да алхамдулиллах сен жана мен мусулманбыз... Шугур кылалы Мусулман тууганым...

AZIK01

2015-01-10 22:43:26

Анан, жакшы окуса "Иш чара" деп жатат.

Nur45

2015-01-11 12:00:55

Эми отсо оттуу да жон гана иш чарада.

KIPCHAK-KALMAK

2015-01-11 17:21:50

Пайгамбарыбыз САВ ды жакындан таануу башкача айтканда омур байанын уйрону жана салават айтуу деген бойроктон шыйрак чыгарыштын кажети жок ортодон чыккан тушунуп тушунбой майрам жана христиан жана башка дегендердин айынан элге ар кандай тушунуктор таркап атат ошон учун келгиле туугандар илим окууйлу!!!

mafi

2015-01-12 11:59:39

Ушундай да майрам бар экенби? Менин оюмча мындай күндөрдү биз ата-эне, чоң ата, чоң эне аркылуу билишибиз керек эле го

barselona

2015-01-12 17:18:31

MAFI Сиз пайгамбардын туулган айына карата откорулгон мавлиди ушул убакка чейин билбесениз, маалыматтан бир аз артта калыпсыз. уйунузго жакыныраак мечиттерге барып имамдан сурап алыныз, эгер ата-энеиз бул жонундо билбесе. бугун валентин сыяктуу майрамдарды кимдер майрамдап жургонун билесиз да?

Комментарий калтыруу үчүн өз ысымыңыз менен кириңиз же каттоодон өтүңүз.