Франциянын элчиси Париждеги окуяларга байланыштуу кыргызстандыктардын колдоосуна рахмат айтты

Бүгүн, 15-январда Франциянын Кыргызстандагы элчиси Стефан Катта 7-9-январда Париж шаарында болгон террордук актка байланыштуу кыргызстандыктардын колдоосуна рахмат айтты.

"Мен аталган окуяларга байланыштуу колдоо көрсөткөн Кыргызстандын жарандарына, алардын арасында журналисттерге ыраазычылыгымды билдиргим келет. Өткөн аптада республиканын жетекчилиги тарабынан көңүл айтуулар келген. Мен бардык каттарды Франциянын өкмөтүнө жөнөткөм. Кыргызстан көрсөткөн колдоо биздин элдерибиздин ортосундагы мамилелердин бекемдигин далилдейт",- деди элчи.

Эскерте кетсек, 7-январда саат 11:00 чамасында Франциянын борбору Париж шаарында террордук акт орун алган. Анда үч террорчу "Charlie-Hebdo" ("Шарли-Эбдо") сатиралык журналынын кеңсесине кирип, 12 адамды аткылап салышкан. Бул кылмышка шектүү ага-ини Шериф жана Саид Каушилерди кармоо боюнча атайын операция 3 күнгө созулуп, жыйынтыгында алардын өлтүрүлгөндүгү айтылган.

Террордук акттын эртеси президент Алмазбек Атамбаев Франциянын мамлекет башчысы Франсуа Олландга көңүл айткан. Ошондой эле кыргызстандык ММКлардын өкүлдөрү курман болгон француз журналисттерине көңүл айтуу максатында тынчтык митингин өткөрүшкөн.

Автор: Нургазы Аматов

11:39 15-01-2015

Жазылуу

РУБРИКАДАГЫ СОҢКУ КАБАРЛАР

08:56 2025-05-04 | Коом жана турмуш

Бүгүн кыргыз элинин сыймыгы Айсулуу Тыныбекова 32 жашка толду 24 0

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 521 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 880 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1321 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4887 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2347 0

Архив

Комментарийлер (2)

alooke

2015-01-15 11:45:50

Бул окуяда мен Париж тараптамын! Ооба, Исламды мазактаганы туура эмес болду дейли, бирок ал үчүн сөзсүз 13 адамды өлтүрүү керек беле? Радикалдашкан исламчылардыкы өттү жаман...

Nurmuxammet

2015-01-16 13:33:34

alooke, 10 жылдан бери токтоткула деп айтылып келген эскертуулорду уккан жок, эми оз жазаларын алышты. Сотко да беришкен, сот да экинчи тараптын пайдасына чечип берген.

Комментарий калтыруу үчүн өз ысымыңыз менен кириңиз же каттоодон өтүңүз.