Жоомарт Оторбаев: "Эффективдүү башкаруу системи менен күчтүү жана адилеттүү өлкө курууну пландап жатабыз"

Премьер-министр Жоомарт Оторбаев бүгүн, 15-январда Дүйнөлүк банктын өкүлдөрү менен жолугушуп, тараптар мамлекеттик башкаруу системин реформалоо боюнча жол картасын талкуулашты. Өкмөттүн билдиришинче, жол картасында 66 иш-чара камтылган, мунун 28и кыска мөөнөттүү. 2014-жылы аткарылышы керек болгон бардык кыска мөөнөттүү иш-чаралар былтыр толук ишке ашырылганы айтылды. Бул иштер өзүнө мамлекеттик башкаруудагы реформа, мамлекеттик каржыны башкаруу, энергетика, тоо-кен тармагындагы коррупция менен күрөшүүнү камтыды.

"Биз эффективдүү башкаруу системи менен күчтүү жана адилеттүү өлкө курууну пландап жатабыз. Бул максат - өкмөттүн негизги милдеттеринин бири",- деди Оторбаев.

Өкмөт жетекчиси өкмөттүн 2014-жылкы иштерине токтолуу менен буларды атады: "Азыркы учурда ар бир министр, жетекчи, акимдин бардык жаранга түшүнүктүү болгон иш-аракеттеринин жекече пландары бар. Былтыр бул пландарды анализден өткөрүп бүттүк. Бул жылга да тийиштүү пландар түзүлгөн, ага ылайык, жетекчилерге 776 конкреттүү тапшырма берилди".

Автор: Автандил Добулбеков