Пайдаланылган электр энергиянын наркын "Түндүк электрдин" сайтынан эсептөө мүмкүнчүлүгү түзүлдү

Эми пайдаланылган электр энергиянын төлөө суммасын “Түндүк электр” ишканасынын расмий сайтынан эсептөө мүмкүнчүлүгү түзүлдү. Бул тууралуу бүгүн, 16-январда аталган мекемеден билдиришти.

Маалыматка ылайык, абоненттерге ыңгайлуу шарт түзүп берүү максатында бөлүштүрүүчү компаниянын сайтында “Калькулятор” онлайн-тейлөөсү иштеп баштады. Керектелген электр энергиянын наркын эсептөө үчүн абонентке тийиштүү графаларды толтуруп, “эсептөө” функциясын басуу зарыл.

"Калькулятор" кызматын “Түндүк электр” ААКсы тейлеген бардык турмуш-тиричилик абоненттери колдоно алышат.

Автор: Мальвина Уметбекова