5 жаштагы Жанселдин ата-энеси, туугандары дале табыла элек. Бул тууралуу Бишкек ШИИББинин басма сөз кызматы бүгүн, 16-январда билдирди.
Маалыматтарга караганда, өткөн жылдын 25-мартында Адель Абдрахманова аттуу айым коңшусуна өзүнүн 5 жаштагы Жансел аттуу кызын алып келип, кечке чейин карап турууну суранып, белгисиз тарапка кетип, ошол бойдон келген эмес. 1 жумадан кийин Адель Абдрахманова кызын таштап кеткен коңшусуна телефон аркылуу Казакстанда экенин айтып, Жанселди багып турууну, бул үчүн акча төлөп берерин убада кылган. Бирок ошол убактан бери Жанселдин туугандарынан да, ата-энесинен да эч кандай кабар жок болууда.
Укук коргоо кызматкерлери эгер кичинекей Жанселдин туугандары тууралуу маалыматыңыздар болсо, 102, (0552) 10-25-57, (0702) 23-66-77, (0552) 10-25-56, (0312) 48-64-17 телефондоруна кайрылып коюуну өтүнүшөт.