Кыргызстанда 2014-жылы негизги капиталдагы инвестиция 105,8 миллиард сомду түздү

Кыргызстанда 2014-жылы негизги капиталдагы инвестициянын көлөмү 105,8 миллиард сомду түздү. Бул өткөн жылдагы көрсөткүчкө салыштырмалуу 21,6 пайызга көп экенин Улуттук статистика комитети билдирди. Негизги капиталга тышкы булактардын эсебинен инвестиция салуу 40,5 пайызды, ички булактардын эсебинен каржылоо 59,5 пайызды түзгөнүн билдирет мекеме. Инвестициянын негизги бөлүгү (жалпы инвестициянын 83,3 пайызы) пайдалуу кен байлыктарын казуу, кайра иштетүү өндүрүшү, электр энергиясы жана газ менен камсыздоо, транспорт жана турак жай куруу тармагына жумшалганы айтылды.

Автор: Автандил Добулбеков