Жалал-Абадда айдоочу жөө жүрүүчүнү сүзүп, ал жаракатынан кырсык болгон жерден көз жумду. Бул тууралуу Жол-кайгуул кызматынын басма сөз кызматы билдирди.
Маалыматка караганда, 18-январь күнү саат 19:00 чамасында 21 жаштагы Кубанычбек аттуу жаран Бишкек-Ош унаа жолунда батыш тарапка бара жаткан. Ал 464-чакырымында жөө адамды сүзүп алган. Кырсыктын кесепетинен 30-35 жаштагы азиат улутундагы адам мерт болду. Анын өздүгү такталууда. Окуя боюнча материалдар тергөө бөлүмүнө жөнөтүлдү.