ЖКда статс-катчыларды дайындоону тиешелүү мамлекеттик органдын жетекчисинин макулдугусуз жүргүзүү сунушталууда

Депутаттар Курманбек Осмонов, Айнуру Алтыбаева тарабынан демилгеленген “Мамлекеттик кызмат жөнүндө” мыйзамга өзгөртүү киргизүү тууралуу” мыйзам долбоору бүгүн, 6-февралда ЖКнын жыйынында каралды. Сунушталган мыйзам долбоору Мамлекеттик кызмат боюнча кеңеш тарабынан тандалган мекеменин статс-катчысын дайындоого министрликтин же мекеменин жетекчисинин макулдук берүүсүн талап кылган ченемдерди алып салуу максатында иштелип чыккан. Бул мыйзам долбоору 2-окууда добуш берүүгө жөнөтүлдү.

Автор: Ширин Жумадилова