Борбордогу "Камкордук" рейдинин алкагында жашы жете элек 31 бала райондук милицияга алынып келди

Борбордогу "Камкордук" рейдинин алкагында көчөдөн кармалган жашы жете элек 31 бала милиция бөлүмүнө алынып келди. Бул тууралуу бүгүн, 20-январда Бишкек ШИИББинен билдиришти.

Маалыматка ылайык, аталган рейд 19-январдан 24-январга чейин улантылмакчы. Рейддин негизги максаты -көчөдө жүргөн жашы жете элек балдарды, тилемчилик менен алектенген жана кароосуз, мектепке барбай жүргөн балдарды аныктоо. 19-январдан бери Райондук ички иштер башкармалыгына 31 жашы жете элек бала алынып келип, анын ичинен экөө издөөдө жүргөндөр болуп чыккан. Жетөө өздүгүн тактоо үчүн алынып келген. Ошондой эле Балдар комиссиясына 4 материал жөнөтүлүп, 5 жашы жете элек бала туруктуу жашоочу жайы жок экендиги аныкталган.

Автор: Мальвина Уметбекова