“Жди меня” арыздарды кабыл алат

“Жди меня” берүүсүнүн Кыргызстандагы жардамчысы Салтанат Адылбек кызы: “Башында биз Москвадан жөнөтүлгөн тизме боюнча адамдарды издейбиз деп ойлогонбуз. Бирок көптөгөн мекендештерибиз чет өлкөдө жоголуп, дайыны билинбей жүргөн туугандарын издеп жатышканын айтып чалышууда. Өлкө ичинде эле бири-бирин издеп жүргөндөр да көп экен. Мындан улам атайын акция иретинде андай арыздарды да кабыл алуу менен аларды “Жди меня” берүүсүнүн сайтына жайгаштырууну чечтик”,- деди.

Издөөгө арыз таштоочулар (0312) 660424 телефон номуруна чалып, билдирүү калтыра алышат.

Эскерте кетсек, Орусиянын Биринчи каналында көрсөтүлүүчү "Жди меня" программасы жаз айларында Бишкекке келип, өз долбоорунун алкагында иш-чаралардын өткөрүлүүсү пландалган.

Автор: Эльвира Караева